ഇന്നലത്തെ ട്വീറ്റുകള് വായിച്ച് വന്നപ്പോള് ആണ് ചന്തുവിന്റെ “why did the chicken cross the road” എന്ന ട്വീറ്റ് കണ്ടത്!

പ്രശസ്തരുടെവ്യത്യസ്തമായ മറുപടികള് ഭാവനയിലൂടെ സൃഷ്ടിക്കാന് അവസരം നല്കുന്ന ഈ ചോദ്യം പണ്ടാരോ ബ്ലോഗില് പോസ്റ്റിയിരുന്നു! മലയാളം ബ്ലോഗിലെ കുറേപേര് ഈ ചോദ്യത്തോട് എങ്ങനെ പ്രതികരിക്കുന്നു എന്നതായിരുന്നു ഒരുപാട് ചിരിപ്പിച്ച ആ പോസ്റ്റിന്റെ തീം…

ആ ആശയത്തെ കോപ്പിയടിച്ച്, അമിട്ടിലെ കുറച്ച് കൂട്ടുകാര് ഇതിനോട് എങ്ങനെയായിരിക്കും മറുപടി നല്കുക എന്ന് ഞാന് ചുമ്മാ ഒന്ന് ഊഹിക്കട്ടേ?

കോഴി എന്തിനാണ് റോഡ് ക്രോസ് ചെയ്തത്?

—————————————————————————————
sa_th: “ബ്രൈബി എന്തിനാണ് റോഡ് കുരിശ് ചെയ്തത്?” എന്ന് ചോദിച്ചിരുന്നെങ്കില് എന്നെപ്പോലെയുള്ള ഹൈ ഐക്യു ടീംസിന് പെട്ടെന്ന് മനസിലായേനേ.. #ഹോ ജാതി വിറ്റ് തന്നെ (ഓര്ത്തോര്ത്ത് ചിരിക്കുന്നു)

reqox: RT@zeqox RT@peqox: RT@kaqoos കോഴികള് ഇനിയും കൂട്ടം കൂട്ടമായി റോഡ് ക്രോസ് ചെയ്യുന്നത് തടയാന് എന്തായാലും എന്ഡോ സള്ഫാന് നിരോധിക്കുക തന്നെ വേണം. #savekOzhi

shajin: അപ്പുറത്തെ സൈഡില് മതിലില് ഒട്ടിച്ചിരുന്ന ഷാരുഖ് ഖാന്റെ പോസ്റ്റര് കണ്ട് ‘അജിക്ക’ ആഹാ ജിക്ക ജിക്ക എന്ന മൂസിക്ക് ഇട്ടുകൊണ്ടാണ് ആ മൂന്ന് വയസുള്ള കോഴി റോഡ് ക്രോസ് ചെയ്തത്!

പോഞ്ഞിക്കര: പാവം കോഴി റോഡ് ക്രോസ് ചെയ്യാതെ എന്ത് ചെയ്യും? അന്ന് കുമളി-കമ്പംമെട്ട് ഏരിയയിലൊന്നും എയര്പോര്ട്ട് സൌകര്യം ഇല്ലല്ലോ? #ഇന്നും

കുര്യന്: പിടക്കോഴിയാണോ?

രാകേഷ്: എന്തോന്നടേയ്? ഒരു ക്വാഴിയെ മനസമാധാനമായി റോഡ് ക്രോസ് ചെയ്യാനും തമ്മസിക്കൂല്ലേ? ആ കോഴിയുടെ മൊബൈല് നമ്പര് ഡീ.എം ആയി കിട്ടിയിരുന്നെങ്കില് അമിട് മീറ്റിന് ക്ഷണിക്കാമായിരുന്നു! #അല്ലെങ്കിലേ മൊത്തം കോഴികളാ

വിനു: ഒന്നു പോയെടെക്കെ.. കോഴി ക്രോസ് ചെയ്യുമ്പോള് വല്ല ഏ.ബി.സ് ഇല്ലാത്തതോ, കോണ്ടി ഏ.ബീ.എസ് ചെയ്തതോ ആയ വണ്ടി വന്നിരുന്നെങ്കില് കാണാര്ന്നു.. കോഴി മഹാരഥന് ആയിട്ട് സമയമാം രഥത്തില് പോകുന്നത്!

avvishnu: നല്ല ശവസംസ്കാരം. #വണ്ടിയിടിച്ച് ചത്ത കോഴീടെ

വിനുടക്സ്: അകിരോ കുറസോവയുടെ ‘ദ മിഡ്നൈറ്റ് ചിക്കെന്സ്’ എന്ന ചിത്രത്തില് നട്ടുച്ചക്കൊരു കോഴി റോഡ് ക്രോസ് ചെയ്യുന്ന സീന് ഉണ്ട്! മലയാളത്തിലേക്ക് റീമേക്ക് ചെയ്താല് രാജുമോനെ കോഴി ആയി അഭിനയിപ്പിക്കാം..

വെമ്പള്ളി: ഇന്നത്തെ അണുബോംബിനകത്തിടാനുള്ള യുറേനിയം പൊടിപ്പിക്കാനായി മില്ലിലേക്ക് ഞാനെന്റെ ‘സ്വന്തം‘ ബെന്സില് പോകുന്ന വഴിയാണ് മഞ്ഞിനിടയിലൂടെ ഒരു കോഴി റോഡ് ക്രോസ് ചെയ്യുന്നത് കണ്ടത്! അപ്രത്തെ വീട്ടിലെ സായിപ്പ് തിരിച്ചെത്തിയാലുടന് ആ കാറിന്റെ ഫോട്ടോ അപ്ലോഡ് ചെയ്യാം!

ചെല: ഡേവിസ് കപ്പിന്റെ ആവേശകരമായ പ്രി ക്വാര്ട്ടര് ഫൈനല് കാണാന് ആണ് കോഴി റോഡ് ക്രോസ് ചെയ്തത്!

ചില്ലറ: കോഴിയുടെ കയ്യിലെ മൊബൈല് നോക്കിയയാണോ അല്ലയോ എന്നറിയാതെ അതിന്റെ ഉദ്ദേശ ശുദ്ധിയെപ്പറ്റി ഒന്നും പറയാന് പറ്റില്ല!

ഷെമീല്: കോഴി #kozhi #chicken എന്തിനാണ് #why #y റോഡ് #road #highway ക്രോസ് #cross ചെയ്തതെന്ന് എനിക്കറിയില്ല. #fail

കിത്തൂസ്: ഒറ്റ ഇരിപ്പിനൊരു ഫുള്ള് എം.എച്. അടിച്ചതിന്റെ തിളപ്പിലാണ് കോഴി റോഡ് ക്രോസ് ചെയ്തത്! #നോമ്പെടുത്ത ടൈം ആയിപ്പോയി..ഇല്ലെങ്കില് ഒരു കമ്പനി കൊടുക്കാരുന്നു #റോഡ് ക്രോസ് ചെയ്യാനല്ലടേ #ഫുള്ള് തീര്ക്കാന്

ചന്തു: പാതയുടെ നേര്രേഖയുടെ സഞ്ചലനം സൃഷ്ടിച്ച ആനന്ദകുന്തളിതയില് പെട്ട് ഒരുവേള ധൃതംഗപുളകിതന് ആയിട്ടാണ് ആ കുക്കുടബാലന് മറുവശത്തേക്ക് യാത്രയായത്.. #ബീഡി വേര്ഷന്
കോഴിനാസ്തി, റോഡ് നാസ്തി, കാഷ്ടം നാസ്തി, പൂട നാസ്തി #അസംസ്കൃതം വേര്ഷന്

സുമോദ്: ഡേയ് ഇവിടെ ഒരുത്തനും ഇല്ലേടേ? ഇവിടെ ഇപ്പോള്‍ റോഡ് ക്രോസുന്നവന്മാര്‍ @kozhi

(ബാക്കിയുള്ളവരില് പലരേയും മറന്നതല്ല! ആശയദാരിദ്ര്യം കൊണ്ട് ഒഴിവാക്കേണ്ടി വന്നതാണ് )

(Source: kozhi)

1. twitterilpuli liked this
2. zeqox liked this
3. zeqox reblogged this from dhaneshsnair
4. dhaneshsnair posted this